domingo, 2 de xullo de 2023
Tour des pays francophones
Fin de curso adicado ao teatro!
A reunión de marzo tivo un obxectivo ben claro: repetir a experiencia do teatro! Despois do éxito de Daniela Pirata quixemos seguir coa aventura do teatro e realizamos unha adaptación da obra "A consulta da doutora". Eliximos unha obra moi divertida e próxima. Empezamos coas primeiras lecturas e adaptacións.
Un Club adicado ao teatro? Unha utopía ou unha realidade?
Como xa volo contamos na páxina do Club O Semilleiro das Follas Bracas, ao empezar o mes de xaneiro estivemos pensando no seguinte Club de lectura e de repente tivemos unha idea un pouco loca... E si facíamos unha obra de teatro de cara ao entroido? Estivemos buscando unha obra curta e divertida, pensando en que o noso club está formado por nenos de diferentes idades pero non demos atopado nada que nos convencera. Pero despois de pensalo tivemos coma unha revelación! E si facíamos unha adaptación do libro "Daniela Pirata"? Ana púxose a escribir un guión que fomos transformando ao longo dos ensaios e así arrancou unha aventura moi fermosa no que aprendemos a responsabilizarnos (no medio dos ensaios, media tripulación abandonou a obra), a controlar os nosos nervios, a realizar un decorado rebuscando e imaxinando como ía ser e sobre todo a ser compañeiros.
Non podemos estar máis orgullosas do resultado e do valente que foi a tropa máis pirata de Navia!
Daniela Pirata: obra de teatro
Xa temos mascota!!
Fai uns meses empezamos a búsqueda dunha mascota para a nosa biblioteca. Tivemos varias propostas, desde cans unicornios pasando por formigas ata unha vaca. Non fai falta dicir que a vaca triunfou. Pero non calquera! Tiña que ser rubia, do país, nada de ter unha vaca pinta de mascota.
O segundo paso foi deseñala e aí xa custou algo máis, así que buscamos axuda e descubrimos unha colaboradora super discreta pero moi entregada a causa, Nancy Rivera Muñoz, que non dubidou e poñerse man a obra. Pouco a pouco foise perfilando a nosa mascota e cando presentei o seu deseño quedou claro que molaba moito. Xa tiñamos a nosa mascota, só faltaba poñerlle un nome!
A nosa mascota necesitou axuda porque non dabamos chegado a un acordo e como somos tan pouquiños... Así que colgamos as propostas no Facebook e no Instagram: Teixa, Marela, Ancarina, Lola, Rubia, Ratina, Tina, Linda, Estrela e Parda. O rematar a semana fixemos reconto do votado polo alumnado + profesorado + seguidores e chegamos a un empate entre Tina e Ancarina.
Vendo o lado roqueiro da vaquiña decidimos facer unha combinación dos dous nomes e quedou bautizada co nome de TINA A ANCARESA. Encántanos! Tanto o nome como a nosa mascota!