Club de lectura de 1º, 2º e 3º EP

Este ano dedicamos o Club de lectura a unhas adaptacións das obras de Jules Verne que foron todo un descubrimento! Deulles autonomía porque por primeira vez xuntábanse para ler como os maiores e ademais deron moito xogo porque foron moi interesantes e lles despertaba a imaxinación cunhas historias extraordinarias! 

Audio libros

Como non podía ser doutra maneira o Club de lectura dos maiores quixo realizar algo co tema de "Argallando con fíos" e realizou un audiolibro do álbum ilustrado centrado na celebración das relacións sociais. Explora de xeito poético eses fíos máxicos que non vemos pero que nos conectan con aquelas persoas coas que rimos, xogamos, compartimos bos momentos e aprendemos a lectura en formato audiolibro do libro Os fíos invisibles de Montse Torrents. 

Tamén pedimos a colaborción de Conchi e Kiko e realizaron unhas versións moi bonitas dos contos:

• La colcha de los recuerdos de Desirée Acevedo que conta unha historia preciosa onde xeración tras xeración, as mulleres dunha familia vai tecendo unha manta conxunta. Deixan bordada a súa esencia facendo da manta unha obra de arte única. 

• Mariña de Isabel Somoza. Mariña ulía a casa vella, a madeira noble, a terciopelo.Mariña tiña o corazón do seu avó, a alma da súa nai e a sorna do seu pai". Así comenza esta historia, un conto dedicado a todos aqueles que, de cando en vez, vuelven con morriña aos recordos da nenez. ...

Club de lectura con ganchillo incluído!

Hoxe tivemos club de lectura e pasamos un momento moi relaxado e Martín ata colleu o ganchillo! 

Club de lectura de banda deseñada americana e francófona

Hoxe realizamos o último club de lectura adicado a Banda deseñada francófona e americana. Somos conscientes que o fin de curso non axudou moito, pero cursiosamente estos cómics non gustaron tanto como os anteriores. 

Para rematar fixemos un almorzo saúdable que sempre é un acerto! Para o vindeiro curso teremos que pensar en darlle unha volta xa que este ano o fixemos conxuntamente co alumnado da ESO.